慶生2013

由星期六晚到星期一晚，一共五餐都唔駛我煮，簡直係生日放大假，long birthday weekend!

星期六晚係屋企附近食咗pizza，星期日marco話同我哋去米蘭有特別節目。咁先喺途中一個mall shopping 兼食lunch。

最愛嘅公司三文治，大大份超滿足。

原來個surprise係Disney on ice。仲買倒第11行11號位！

由於星期日係10號，有藉口雙重慶祝，去左食海鮮。

星期一生日正日就叫左壽司delivery 午餐。

食完壽司就切蛋糕。

之後兩點車輋再返學，marco就話有個地方要帶我去。
當時我淨係得電話同鎖匙，又唔駛揸車都唔知去邊！行唔夠一分鐘去到一個地方，店裏面果個女仔好似等緊我咁，原來marco一早book左一個body treatment, spa&massage! 真係估佢唔到！就係咁，放低左我自己就喺嗰度一個半鐘頭！

車輋放學返來，係佢房party。一開房門，嘩！好多氫氣球啊！佢地竟然連氫氣都買左一罐自己泵氣球！雖然已經三十幾歲人，不過一樣好興奮。車輋仲安排咗兩個簡單魔術，第一個係
喺生日帽度變咗條羽毛出來，之後又係個話冇嘢嘅櫃度變咗D party吹BB。我問佢可唔可以送咗條羽毛俾我，佢話唔得，因為佢得一條😂。

由於marco五點到八點要返學，加上前一日已經食咗大餐，所以晚餐我決定去試屋企附近新開嘅steak house，主要係想食佢哋嘅美式蛋糕。

一連幾日嘅大吃大喝後，我真係要開始食得清淡D，始終年紀大，唔顧自己都要顧下身邊嘅人，我決定今年生日開始，放棄我最愛嘅雞皮！(雞翼除外，又或者返香港有例外😜)每朝早餐我食一個生果，今年目標係食多啲生果同菜，食少啲肥膩野。