薯仔洋蔥海鮮湯

繼上次簡易粟米湯後，上星期再來了一個海鮮湯。今次冇用忌廉，改用了薯仔加奶，一樣好味。

先煎魚(今次用了orata), 加入滾水和一個薯仔(為免太爛，不用切開），㷛約一小時，見到魚湯變奶白色就開心。

 㷛湯嘅同時，炒軟其他疏菜。除咗洋蔥粒外，我亦加了大䓤。

薯仔和疏菜加少許魚湯，用神仙棒打爛過篩。加入其餘魚湯，少少奶和已煎香的海鮮(我怕蝦頭唔乾淨，所以洗到浄得個殼，安全D好），㷛滾，調味，完成。
用咗個半月，終於砌完二千塊五漁村(cinque terre) puzzle。呢個亦是我上年生日禮物之一。因為當時想過去五漁村，不過去唔成，有人買盒puzzle頂住先(咁都得）。其實我對呢D全部一樣色嘅 puzzle 冇乜興趣，不過有個細路話佢鍾意，仲應承砌個海，所以就開工，最後當然九成我自己砌。大工告成後終於可以瞓下晏覺，過返D正常生活！