蛋卷x4

今日係車輋本學年度最後一堂游水堂，亦即係我嘅50分鐘寫blog時間暫告一段落。佢返多一個星期仲放三個半月暑假添呀！即係亞媽我開OT! 不過我煮咗D好嘢都會繼續同大家分享，不過會慢dd咁啦。

上星期六整蛋卷mood到😄冇錯，係會突然mood到想整，睇返之前D blog, 大約每年一次，次次都係差不多月份😅。

今次用三蛋份量，做咗四個口味：原味，綠茶，斑蘭和黑芝麻。我鍾意厚身D，所以先落1 tsp 麵糊，壓埋三秒打開再加多1 tsp。
每反一下呢塊鐵板都要閉氣，收腹，因為真的很重。如果我整多D，應該對收肚腩有幫助，反正唔洗怕冇人幫口食。
蛋卷如果隔日唔夠脆，可以用焗爐翻熱，放涼後便會回復鬆脆。
食譜我copy咗之前嘅post, 喺圖片上可找到。不過我覺得呢個食譜甜咗D，再做可以減糖。不過由於減糖唔知對texture有冇影響，所以我下次(可能係下年😆）整咗再寫過。