牛宴

首先祝各位同學新學年開開心心，有愉快的校園生活，加油💪🏻！車輋今年九月十四號先開學，仲可以hea多兩星期😆。佢六月頭已經放暑假，三個月暑假，有如香港大學生活😅。今朝同佢去參加免費網球課程(共四日，每次個半鐘），所以我又可以偷到少少時間update下。
同11一家在羅馬分別後，我們一家開車到了我期待已久的意大利天空之城(civita di bagnoregio)，喺附近留咗一晚，8月19號便回程。

之前兩篇已經介紹過佛羅倫斯一帶出名食牛扒，不過我哋唔會再入市中心，所以marco另覓地點。雖然佛羅倫斯出名1kg牛扒，不過我覺得不是每一間餐廳都 燒得香口，我同11一家有晚隨便入了一間餐廳，結果同之前去的zaza差天共地，所以要去食牛扒，還是要上網先做功課，不要浪費quota。

Marco揀的是一間老字號OFFICINA DELLA BISTECCA (Antica macelleria cecchini)一到步時，我以爲只是一個賣牛肉的地方，原來內有乾坤! 牛宴每位50€，小朋友就有10€牛漢堡餐。呢個牛宴真的令我們大開眼界，加上我們正好坐在師父前面，望住各式牛排烤切，由tartar開始，食咗好幾款 牛扒，除了肉外，店家亦為大家預備一大盤蔬菜平衡一下，我們飽到晩餐也不用吃，絕對值回票價。
有幾好味，大家睇相感受一下吧，我字窮😂。

地址: via xx luglio, II Panzano in Chianti (Fi)
http://www.dariocecchini.com/home/officina-della-bistecca/