意大利的心靈湯

2016年1月12日星期二

早幾日去生果鋪諗住買蘋果，見到橙色嘅燈籠椒好靚，忍唔住買齊紅橙黃綠加個菠蘿。

除咗零食之外，今次亦都買咗好多臘腸膶腸。其實我記得我細個嘅時候係唔鍾意食膶腸，不過因為咁多年冇食，又有啲懷念，所以今次特登買啲膶腸返嚟。可能因為就快農曆新年嘅關係，周圍都見到臘腸膶腸賣，好有新年氣氛。

一落機的快樂冬至晚飯

經過幾日嘅努力，終於有功課交💪🏻💪🏻💪🏻希望收到我依個雜錦曲奇嘅親朋戚友會鍾意啦。開頭我都好好心機數下有幾多塊曲奇，但係整整吓我就放棄咗😂總數應該大約有400。

呢個新成員嚟咗我屋企啱啱一個月，好幫得手。
開頭有啲擔心30 cm會唔會太大，不過煮肉連蔬菜一㷛過剛剛好。我就用過佢來整南瓜雞髀，芝士豬扒茄子，排骨菜㷛，蜆肉意粉......等等。

話咁快又到咗十二月，人大咗，特別覺得一年過得好快。
12月係整曲奇嘅月份，整曲奇嘅時候，腦子裏邊就不停重複着jungle bell jungle bell jungle bell rock 😄

我哋今年聖誕節會返香港兩個星期, 因為得兩個星期咁少時間，加上Marco同行，所以唔可以好似平時暑假返嚟Hea。
咁尋晚食飯嘅時候我就話我哋要商量吓想去邊度。
車輋好興奮咁話：
第一件事呢，就係去買雞蛋仔！