一次過滿足三個願望

車輋在克羅地亞過了七歳生日。

 

 

 一如以往，生日蛋糕都是假期中在外訂購的。去年渡假回來後，我做了一個彩虹蛋糕帶了去嫲嫲爺爺家當補祝生日高興一下。今年， 海灘回來後，Marco便去了美國公幹，加上我亦有朋友從香港來旅行幾天，住在我們家，所以有想過側側膊今年唔整生日蛋糕。

朋友一家星期五回港，Marco亦星期五回來，星期日會去爺爺嫲嫲家午餐，順便接回bubu。最後，星期六我還是決定做個蛋糕，除了慶祝生日，也是答謝爺爺嫲嫲照顧了bubu三個月！

由於是臨時決定做蛋糕，我又冇咁多心機時間去裝飾一個cream cake, 所以就即興想到甚麼就做甚麼。

第一樣想到的是做一大塊生日曲奇，不過車輋話要有蛋糕，所以就諗住做一個大士多啤梨撻。就是用曲奇皮做一個大批，上面塗一層朱古力醬，再加一片海綿蛋糕， 然後加cream和士多啤梨。不過之後發覺我屋企無cream，亦都唔想買盒cream開咗又用唔晒，所以決定整金寶蘋果（Apple crumble)。變成了一個曲奇，海綿蛋糕，金寶蘋果三合一的生日撻。

上下層脆，中間軟，大家都愛！
亞仔，七歲要繼續開心健康每一日呀！

 

Apple crumble 脆面：50g牛油，50g糖，60g麵粉rubbing-in, 然後雪冰格備用。
蘋果(今次用了三個富士小蘋果）切粒，加50g牛油，40g糖炒至軟身並牛油收乾。
脆面冰格取出加在蘋果茸上，180度焗至金黄。