粟米片脆雞扒

車輋開咗學，我嘅少少私人時間回歸，跳完萬寧貓，爭取時間，寫番D準備咗寫嘅Blog先。

幾個月前我已經係網上面見到有人用粟米片焗雞扒，唔使用油又一定脆。喺克羅地亞旅行嘅時候，camping裏面餐廳嘅餐牌都有呢道菜，見隔離檯食大大塊雞扒好似好正咁，於是旅行回來就決定行動！

雞扒隨便用自己鍾意嘅醃料醃，除咗一般調味，我今次另加咗cumin孜然粉。


粟米片放係袋裏面壓碎，代替麵包糠用。雞扒浸蛋液，上粟米片，放入焗爐焗，就係咁簡單。食嘅時候可以沾上喜歡的醬汁。