2014聖誕大餐

上一篇話我提前一晚做平安夜晚餐，為的是「收爐」，希望24號不用做得太夜。結果我的如意算盤並沒有打響，午夜十二點仍在洗碗，零晨一點仍在洗厠所，最後 01:45終於可以上床！不過選擇23號提前煮大餐還是明智的，因為24號實在沒有時間。24號的午餐去了市中心新開的日式放題，不過lunch menù 有D失望，不過以10.9€的價錢也不要期望太高。我們還是吃得很撑，吃得讓我有點後悔，之前油油減去的2kg極速回歸，自嗰日之後，我仍未敢上磅。

2014提前平安夜晚餐

 尋日去超級市場買咗餸諗住24號平安夜大餐，由於25號有家庭聖誕大餐，所以呢幾日都好忙，忙執屋忙預備食物。今日執執下廚房嘅時候我就諗：如果聽晚煮完 平安夜大餐我又要執多一次廚房，聽日又要清潔樓上，咁到到夜晚十點鐘仲要洗碗我一定好慘，所以就突然諗

不如提早一日食，今晚食完我就收爐，聽日兩餐都出 街食，聖誕大餐先再開爐！

外脆內軟waffle成功了！

多謝大少奶的食譜(http://iamtaisiu9.blogspot.hk/2014/12/blog-post10.html?m=1)外脆內軟waffle終於成功了，可以落薄記低！

切麵機

最後都係決定油埋屋頂D木，所以又開多咗幾日工，而家隻手好痺痛，不過總算油到尾聲。下星期三師父再回來鋪地板，希望一切順利吧。師父話預計二十三號完 工，咁我就有一日時間清潔，二十五號聖誕家庭聚餐今年在我們家舉行！救命呀我諗都係要快D開始打掃樓下，如果唔係最後幾日又要煮又要執屋，我就會喊。

每年聖誕聚餐一定會有意大利南瓜雲吞，今年決定係奶奶整雲吞餡，皮喺鋪頭預訂（因為我未有信心整到perfect皮）,而我哋負責包。

今年生日，其中兩份禮物就係整雲吞機同切麵機！

班蘭戚風

  暑假時本來喺香港買咗D班蘭葉諗住帶返意大利，不過最後我唔記得咗拎😅。早幾個星期，喺中國超市又俾我買到新鮮班蘭葉，其實計落都唔係貴香港好多，€3.2有三十多塊。

慶生2014

每年生日，我一定會想起我喺天堂嘅Daddy, 因為我同佢都係1111生日的。雖然佢從來都沒有講出口，不過我自大的相信我一定係佢最好的生日禮物。

新玩具：比利時waffle、飛碟多士三合一

係，我係已經有一個waffle機，不過暑假時喺pokka café 食過一個好好味嘅waffle後，有D念念不忘，就是那種外脆內軟的，而我之前做的是比較薄身，兩片夾埋似香港夾餅。ok, 口感可能係食譜嘅問題，不過十一月shopping 無須理由，我。要。買！

下午茶

10月26日，檸檬羊和老公橙狼有事到brescia一趟，所以我邀請了他們到我們家來一個下午茶，見一見面。

認識檸檬羊近十年了。當年透過她的網誌「維羅納的檸檬羊」認識她的。就是被她的網誌吸引所以我也開始寫網誌，就連網誌個名都係參考佢的(超懶)。

腸粉

我伯伯(車輋的伯爺）每日都一早起身，七點出門去囍雲天飲早茶的。

暑假回香港的時候，我同車輋都有好幾次一早起身同伯爺飲茶。除了是因為我為食，鍾意食點心外，更加想多些陪伴老人家。車輋亦好乖冇懶床。

素餃子

包蒸餃嘅餡用嚟包餃子。為咗香口D，我加入了京䓤，薑和自家種辣椒。

素餃

買到菊芋，加咗菠菜和菜脯，做了十二隻蒸素餃，餘下餡料用來包餃子。

Pancake畫

前幾日係Facebook睇左個畫pancake嘅video，我諗好多人都有睇到，好似唔係好難所以今日下午茶就試吓。

迷你椰撻

星期日Marco公司喺隔離town有event, 佢下午帶埋車輋去，所以我有half day off。

應承咗車輋焗啲椰撻俾佢明天帶回學校做茶點。由於我屋企個雪櫃多數會有曲奇皮存貨，所以好方便。

無糖紅棗豆漿

網上資料，紅棗豆漿有滋陰益氣養血安神補脾胃，補血養顏的功效。

黃豆之前一晚浸，紅棗浸軟後去核，加水放入豆漿機二十分鐘後搞掂。

Waffle格仔餅

放學前三十分鐘預備粉漿，放學返嚟一路睇多拉A夢一路食格仔餅，再加杯慢磨果汁，完美下午茶。

25g牛油混合10g糖，慢慢加入一隻蛋，50g低筋麵粉，10g粟粉，半茶匙發粉。粉漿過篩，靜代三十分鐘。


 

呢個份量可以做到兩底，我的花形格仔餅機一底由五個心形組成，即係兩塊夾埋可以做到五份。車輋頭兩件係花生醬加煉奶和糖，粉漿糖少，所以另加糖也不會過 甜，十足香港街邊風味。之後再來一件nutella ，一件煉奶，而佢媽咪我就浄係分到一件。佢食緊最後一件時，我話太飽就唔好食啦，車輋竟然話：我好肚餓呀！如果你仲有，我都仲食得落！

食飽飽，努力做功課！

薑汁鮮奶燉蛋白+薑汁燉蛋

 今日天陰有雨 ，終於有少少涼意，最啱食啲滋潤甜品潤一下。

前日整泡芙既cream, 用剩咗啲蛋白，昨天做了薑汁鮮奶燉蛋白同車輋下午茶。

撐起雨傘

過去十日，fb完全是雨傘革命，感動，擔心，氣憤，到後來的荒謬，無言，欺騙，難分真與假。

最憎人講大話，當你發現朋友當你lulu, 心裏必定唔好受，朋友唔一定要乜都同你交代清楚，不過我情願你唔出聲總好過扮無知再來耍我。今時今日，竟然會有臨記出現喺新聞報導，真係有咁多人為左錢可以出賣自己，可恥。

一班喺意大利嘅香港人，人在意，心在港，香港人加油！雖然好多時生活都事與願遺，但為着我哋有家人有朋友有健康仍然是感恩。但願以後仍然可以喺Facebook見到我嘅香港家人朋友。

相識十三年@Spiller Birrerie

9月10號，係我同marco相識十三週年，我哋係911前一日認識的。

本來我哋諗住去一間elegant D 嘅餐廳慶祝, 不過有日講開，開咗間beer house我哋都未試過，咁我就提議不如10號去啦。食乜唔重要，最緊要大家一齊開心，有時浪漫驚喜唔係錢可以衡量的。10號早上起身，餐枱上放咗一封＂情信＂，此刻無價！

粟米片脆雞扒

車輋開咗學，我嘅少少私人時間回歸，跳完萬寧貓，爭取時間，寫番D準備咗寫嘅Blog先。

幾個月前我已經係網上面見到有人用粟米片焗雞扒，唔使用油又一定脆。喺克羅地亞旅行嘅時候，camping裏面餐廳嘅餐牌都有呢道菜，見隔離檯食大大塊雞扒好似好正咁，於是旅行回來就決定行動！

古代晚宴

上星期六晚，Marco話有個神秘地方帶我哋去:回到古代！

呢個飯局很有趣，沒有餐具，全部用手食。席上有一個主持人(是Marco業餘進修的同學)，如果見到你用電話，紙巾等古代沒有的東西，會叫護衛帶你去行刑！我因為要影相，都差D俾人捉！

唧花曲奇完美食譜

一向我做印模曲奇比較多，原因是我未搵到一個完美的唧花曲奇食譜。不過前幾日，終於喺Carol自在生活讓我預上了！從此以後，呢個成為了我最愛唧花曲奇食譜！下次返香港，要讓親人試試呢個唧花曲奇！

西多士話當年

今年夏天，車輋喺香港愛上了西多士。前幾日做港式麵包用剩半舊新鮮酵母，一於用來做多士。

臘腸排骨煲仔飯

決定要呢個18cm LC的主要原因是用來煮二人前煲仔飯，之前用22cm煮，一餐食不完。

Le Creuset 18cm 腐竹糖水

Marco用信用咭積分換咗呢個LC 18cm俾我。收貨時我仲喺香港放緊暑假，回來後一直未諗到煮乜野來幫佢剪綵，所以兩個月仍然原封不動。

尋日同一大班香港朋友食日式放題午餐慶中秋，預咗飽到夜晚都唔使食。突然想到㷛腐竹糖水當晚餐，正好為新煲剪綵！

迷你奶皇月餅

今年係我第一次做傳統月餅。

咁多年都無整過傳統月餅係因為我本身唔太鍾意食蓮蓉，以前喺香港食月餅，會揀舊最多蛋黃嘅。不過講真，就算我鍾意食蓮蓉，都唔知係依度點樣整蓮蓉。上年返 香港，買咗一個迷你奶皇月餅回來同呢度嘅香港朋友分享，一個迷你奶黃月餅上年賣港幣二十七，雖然好味，但係我覺得好貴。計落其實我可以自己整倒，所以今年 返香港嘅時候就買咗月餅模！

一次過滿足三個願望

車輋在克羅地亞過了七歳生日。

 

 

 一如以往，生日蛋糕都是假期中在外訂購的。去年渡假回來後，我做了一個彩虹蛋糕帶了去嫲嫲爺爺家當補祝生日高興一下。今年， 海灘回來後，Marco便去了美國公幹，加上我亦有朋友從香港來旅行幾天，住在我們家，所以有想過側側膊今年唔整生日蛋糕。

2014自家種

各位香港的家人朋友，開學了，大家要加油呀！我哋就仲有兩星期先開學，不過旅行過後，今日bubu又回歸，感覺到係時候收拾心情。

今年我們的自家種番茄和辣椒都有不錯的收成。(我今年喺香港aeon supermarket 見到意大利番茄要hkd16一個！）

滿載而歸

可能因為時差，連續兩朝六點多便醒了。第一晚返嚟八點半瞓，瞓咗十個鐘，昨晚近十一點瞓，一樣咁早醒，一陣要跳返part萬寧貓做早操

今年返香港，因為平機票的關係，選乘了英航，同車輋兩個加埋得46kg寄艙quota, 不過hand carry可以有92kg as long as你個喼size唔過大加自己夠力拎。

回家了

香港(14/6-2/8/2014)

又是在機艙中，在回家路途上。由二零零三年開始，平均每年也會回港探家人見朋友，但是每次要離開，我還是萬分不捨。越大越眼淺，我可以在上機前一星期，晚上睡覺時想到要走在被窩落淚。上機的早上，我同車輋講我今晚要走時可能會喊，車輋答：「你唔好喊啦！side晒D時間!講bye bye 仲好啦!」我不得不承認，呢個仔好多時都比我成熟。

香港Shopping 2014

好想shopping, 不過好似冇乜嘢吸引到我買咁，大家有冇乜提議, 有乜平靚正嘢呢？

落街行一行，最後又係喺烘焙店先有收鑊。

買齊想買的月餅模同鳯梨酥模了，鳳梨酥袋要一蚊個唔捨得買咁多，我覺得買盒鳳梨酥食完留返個包裝都冇咁貴哆！

一年級生done

2014年6月6日，過了今天暑假正式開始！在沒有考試的環境下愉快地完成了第一年小學。

昨天做了一些印有同學名字的曲奇，好讓他今天帶回學校，一同慶祝學期的結束。

燒腩肉

早幾日同班意太whatsapp講開有乜嘢返香港必食，有人提到乳豬，引到我即刻去解冰舊豬腩肉，整燒肉止下D口水兼清下個雪櫃，因為我過多個星期，我都返香港放假去！！

第一次自製麵筋：甜酸齋

今日車輋學校outing, 去參觀一個製造新鮮芝士嘅地方。我終於有機會整飯盒俾佢嘞！（平時佢係回家食飯，如果揀留喺學校食就要食學校提供的膳食，不設自行帶飯）

由於預計自己將會有七個半鐘free, 所以前一晚就不停諗有乜嘢大攪作!有好多野都想整，最後揀咗玩自製麵筋！

咕嚕雞

很少在這裡post中式小菜，主要原因是不常煮。通常都係同香港朋友gathering時，先會諗多幾個不同菜式，一班人圍埋食飯，爭吓餸食，咁先開心。

Doraemon Sushi

尋晩行超市，比我執到幾盒半價魚！仲要係新鮮唔係到期嘅，真係好彩！本來只係見到兩盒半價吞拿魚和三色魚生，後來差唔多走，我再去魚檔睇下有冇多啲擺出來，又比我執多兩盒半價馬界休同帶子。一共平咗成十多歐，師奶仔開心。

母親節蛋卷

今年母親節我做了蛋卷給Marco媽咪作禮物。想到做蛋卷就是因為從沒有做過給他們，可以有些新意。

抓抓樂

差不多十年前開第一個廚房blog的時候(yam blog), 有一班blog友流行玩"抓抓樂", 玩法就是capture到某一個瀏覽人數數字就會有奬。
雖然我呢個不是人氣blog (有潛水客嗎？), 不過見瀏覽數字快到10000，為了多謝大家支持，第10000個訪客，同時capture到頁右下方的瀏覽器數字10000, 我會送出小禮物。大家可以save screen, 影相, etc......然後去意大利的心靈湯Facebook page message俾我。

等你呀！

"Pizza Hut" pizza

個個見到呢個pizza造形第一個反應都話pizza hut! 連Marco都係一樣。

腸粉 & more......

腸粉做法唔係難，不過因為一次蒸一塊，所以需要一定時間，好多時蒸到尾聲，都有倒咗D粉漿落廁所嘅衝動！(事實我真係曾經試過😅)下次再整都係唔好用哂成包粉。

LC 法式洋蔥湯

近來天氣時冷時熱，落一場雨天氣頓時清涼。趁大熱天時未到，趕快來多個法式洋蔥湯。

牛肉飯卷

 

用薄牛肉片代替紫菜做飯卷。

復活兔兔

復活節前幾日，喺超巿promo見到兔兔盆栽，好想要！

試新macaron mat

其實去完旅行返嚟第二日我已經忍唔住用塊新mat整咗macarons。不過就是想一次過寫完遊記先講。

忌廉pancake

記得十多年前，同老朋友去食點心，我會食芒果忌廉班㦸（當年冇而家咁多甜品店），我又鍾意Italian tomato嘅士多啤梨cream cake, 當時我係一個名乎其實嘅cream怪。

葡萄牙越野賽車&葡撻之旅（完）

趁仲記得，快啲寫埋最後一篇，美食篇。

呢個行程嘅美食主角，不用多講，一定係葡撻。我地臨上機之前，喺harrods café 都再食多一個葡撻，一家人，一星期總共食咗二十四個葡撻！

葡萄牙越野賽車&葡撻之旅（三）

2014年4月7日，行程最後一日。由於越野賽車賽事已經結束，所以今日純粹觀光shopping。

上網Search下，10 things must do in Lisbon, 第一位係搭tram 28! 其實之前見到電車，已經好想同車輋搭，咁就啱晒啦。Tram 28唔係觀光tourist tram, 不過因為佢行經好多景點，所以吸引不少遊客。

葡萄牙越野賽車&葡撻之旅（二）

位於Belem區的Pasteis de belem有175年歷史，tvb "三個小生去旅行＂也有介紹此店。此店離里斯本地標航海記念碑和巴林塔不遠，門口經常有一條買外賣的人龍。我們分別於星期三和星期日光顧過，星期日的人龍更甚。

葡萄牙越野賽車&葡撻之旅（一）

2014年4月2-8日，我哋一家三口去了葡萄牙渡假，我而家就喺回程航機上寫這篇遊記。

復活節假期仍沒有開始，所以過去一星期車輋是逃了學！正所謂讀萬卷書不如行萬里路，不過佢嘅老師在假期前一日竟然好＂有心＂為佢準備extra假期功課！由於唔想將功課帶去葡萄牙，所以車輋出發前一晚好努力地做功課！不過在假期中，老師仍然要求車輋每日寫低當日發生的特別事情。

自製蛋卷

早幾日睇番D舊post嘅時候，車輋見到蛋卷就話我好耐無整，佢好想食。咁我又真係整得少咗啲，平均一年先整一次，咁佢開到聲，我都好願意滿足佢。

睇番D舊post，兩隻蛋份量只可以做到二十條，咁今次用三隻蛋份量，一於做多啲。不過有人一路整一路食，所以最後大合照都係得番一半😅。