小一開學預備篇

話咁快過咗三年冇功課，日日玩的幼稚園生活，今日2013年9 月12日，車輋六歲三個星期又一日大，係小學一年級生了！

好在我哋住喺學校對面，如果唔係連幾時開學，幾時要開家長會都唔知！因為學校淨係喺門口貼通知，好多家長都唔知前日(10號)小一家長有meeting。

學校會幫同學定購課本，不過就有一大個list的文儀用品要家長準備，由於時間無多，我哋見完老師就立刻去超級市場搶購，感覺好似Harry Potter準備開學，買呢樣嗰樣。

由於冇校簿，學校要求我哋買唔同顏色的1cm x1cm正方格簿，一般文具，仲要成pack A4紙......等等。而其中有一樣叫"Regoli"，我同Marco都唔知係乜，不過老師話嗰間超級市場有，係用嚟學數學的，唔知香港有冇呢樣嘢?

一盒裡面有200粒唔同長度的粒粒，好似幾好玩咁。

學校要求每枝筆都要有名！我呢pack麥嘜珍藏終於有用武之地！