香港節（一）：中式鹹薄𦉘

如果你係長期讀者，應該對一年一度既香港節有印象。每年marco都會有啲時候出trip, 咁我就會煮多啲香港美食，呢幾日我稱為＂香港節＂。

今年marco只係去巴塞隆那短短四日半，加上冇咗dandan喺我身邊（唉，人家回流返香港了😭), 農曆年又仲有十多日先到，都有諗過仲繼唔繼續寫香港節，睇番自己D 舊文，發覺差唔多次次香港節我都有整薄𦉘，見到又想食。

之前我已經有兩個薄𦉘食譜，雖然都唔錯，不過texture 仲未係我心目中嘅完美, 於是乎又上網search下。

今次呢個食譜喺youtube揾到，個口感我好滿意，煎緊第二塊時我已經食完第一塊，好味呀！

呢個份量可以煎到三塊：

120g 麵粉 （原食譜用中筋，我就用低筋）

20g 糯米粉，

慢慢加入200ml 水，

再加一隻蛋，加調味。

今次先加水，後加蛋，方便混合好多，不用過籂。

由於我用了lardo (咸香豬油片），所以我冇在粉漿加油。餡料另有蔥和蝦米。煎第一塊前在平底鑊加了少許油（用掃或廚紙抹平均），之後冇再加油。

原食譜提到如果想脆D，可以多加水，軟D可以減少水，我就覺得200ml呢個texture啱我口味。