馬年2026快樂平安健康

 其實我雖然好多年冇update 呢個blog 仲差D log in 唔到！我完全唔記得邊個email address Password呀😅！不過其實我好多時自己要check 返D食𧪽都會喺呢度check 返。尋晚入嚟check 馬蹄糕食𧪽嘅時候就想將我翻版嘅「雪中送炭」記低。

2025年暑假喺香港第一次試金滿堂嘅雪中送炭，當時係想食椰皇燉蛋白嘅，但係椰皇賣晒，店家話雪中送炭即係冇椰皇嘅version 所以就試咗，愛上😍。鍾意程度係要返屋企翻版就知我真係好鍾意。我呢個版本冇清心丸，不過已經好夠。

燉蛋白（一碗份量）：

130ml 奶煮熔10g糖，加入一隻已打混嘅蛋白，混合好之後過篩，蒸10-15 mins 

椰䊢加少許冰糖煮溶糖，再因應浠杰加奶

將椰奶加入蒸好嘅蛋白，加埋湯丸，幸福嘅感覺返晒嚟🧧不過下次煮湯圓嘅時候都係用糖水好D。

朱sir薑汁蛋撻

亞仔話咗想食蛋撻好耐，我都拖咗佢好耐😉之前想整嘅時候但係因為天陰（乜嘢藉口😂😜），我話整完出嚟影相唔靚。尋日都係諗住整蛋撻，但係最後就整咗麵包，整完麵包之後其實我已經攰，加上而家冬令時間好早天黑，所以又繼續拖。尋晚未夠十二點我瞓咗覺，今朝起身我就的起心肝還債。

其實我對整蛋撻冇乜信心，印象中之前整嘅都唔係咁滿意，不過我對朱sir嘅食譜有信心，所以又去馬。

由於係第一次用呢個食譜，所以我係跟足晒所有嘅材料。55g 薑汁我用slow juicer磨, 之後順便整埋蔬菜汁。由於係薑汁蛋撻，亞仔話似燉蛋多過似食蛋撻😑我下次會將薑汁部份改用水。

呢個蛋撻皮我都好滿意，以前整完啲皮又驚佢軟得滯，我又會放返入雪櫃，今次跟足食譜，搓完就直接放啲蛋漿落去焗，連拮窿都冇，反而係咁多次最滿意嘅一次，簡單直接👍🏻。

出爐早餐食咗兩個，下午茶加杯黑糖薑母珍珠奶茶又食多一個，本來已經放咗入雪櫃，隔左幾個鐘頭之後氣炸鍋150度3分鐘同新鮮嘅一樣，大滿足。下個星期要落力啲workout 💪🏻, 希望減返兩kg先到聖誕節。

食譜大家可以去YouTube chef chu kitchen 睇：

https://youtu.be/3qjXLuX31k0

上面係我copy自己個fb page某一日嘅post, 之後我仲整過幾次原味蛋撻以下係我嘅份量：

撻皮係100%朱sir八個份量：78g牛油 18g糖 8g奶 115g麵粉 10g奶粉

Filling我就計返兩隻蛋(減8g用咗去整皮嘅份量）：45g水煮溶33g糖，94g蛋，123g奶

180c 17-20分鐘

 四年後再update呢個blog!!!

講真，唔係好記得點用，4年前可能我仲係用緊電腦，之後多咗fb page就冇再update呢度。

不過其實喺fb page好難搵返D舊post加食譜，所以我決定遇到好食譜會再次喺呢度記低！

呢個tart用咗朱sir蛋撻皮去做，過兩日再整先記低做法。總之喺度出現得嘅，必屬可以一整再整之作。

低卡香蔥芝麻餅

好多時候我臨瞓之前都會(好勤力）睇吓人哋啲blog 有乜好嘢食, 第二朝瞓醒就可以去整。其實真係幾自虐，尤其係依幾晚我八點之後唔俾自己食嘢，真係越睇越肚餓。

升級版蘋果蛋糕

五月一號嗰日，我話慶祝我哋搬咗入嚟五年(正確應該係4月30號），加上落雨要揾D嘢整，我話要整個蛋糕。
屋企嗰兩個對蘋果蛋糕情有獨鍾，不過我對於呢D意大利甜品店經常出現嘅"黃色蛋糕"一D興趣都冇，所以我話要整個升級版😈！

我喺蛋糕面加咗crumble 脆脆，我絕對相信越邪惡越美味!

Tiramisù 四重奏

個名係咪改得好勁😜通常嗰D咩朱古力三重奏蛋糕即係有三種唔同嘅朱古力，咁我呢個tiramisù 四重奏就係一個tiramisù 有四種味。

滷味sss

早幾日買咗D農場自家出品嘅雞蛋，我特別要咗D蛋黃比較橙色的。用嚟整蛋糕有D嘥，所以我決定整半熟糖心味蛋。

班蘭蛋糕2.0版

早排整咗一次班蘭蛋糕(....係呀栗子蛋糕仲未還嘅時候又整第二次班蘭蛋糕），上次膽粗粗俾咗新加坡朋友試食，得到好多寶貴嘅意見，仲有一個新加坡blogger(http://kitchentigress.blogspot.it/?m=1)嘅食譜，真係大收穫！

栗蓉大判燒

夏令時間星期日開始左，嗰晚我啱啱瞓瞓下轉身睇住個電話由01:59直接跳去0300。即係而家慢香港六個鐘頭。
父親節嗰日，車輋整比佢爸爸嗰啲曲奇餅，佢堅持要栗子味。咁其實我都未整過栗子味嘅曲奇，是但見有罐Gigi 之前送我嘅栗子蓉(其實話係栗子醬正確D），咁就加咗D入曲奇麵團，焗完都真係有栗子香，成功。

咁因為整曲奇用唔晒，又要諗辦法消滅佢，又唔知可以整乜，最後決定整栗蓉大判燒 (買咗啲玩具都要間中玩下㗎嘛😜）。

一條方包，滿足晒三個願望

尋晚晚餐食淨少少mozzarella cheese, 老細問我記唔記得咩嘢係Mozzarella in carrozza？話好想食。佢見我發呆，問我諗緊乜，我話屋企冇方包，我諗緊聽朝整。佢話出去買都好平，唔使咁複雜，不過我還是打算出手，因為咁樣，可 以一次過滿足三個願望：mozzarella in carrozza, 肉鬆方包，再來厚切奶醬多😋😋😋。

Meringue 蛋白脆糖

其實我對meringue 冇乜興趣，因爲我好怕D好甜嘅嘢，即係朱古力我都只係鍾意食dark。不過我屋企有兩個sweet tooth.... 真係有（大）人去睇戲可以一粒糖接一粒糖食🙈同D人食煙一樣嚇人😖正如佢對於我食薯片嘅態度一樣唔了解😜車輋就...咸又啱甜又啱🙈🙈🙈 不過好彩佢比起我哋有節制。

綠茶士多啤梨瑞士卷

我同車輋都係綠茶甜品控😋 ,好掛住Starbucks 肥死人果杯green tea frappuccino 。
三月，雖然天氣都仲未好穩定，一個星期內可以有齊春夏秋冬，但係都已經感覺到春天嘅來臨。春天係士多啤梨當做嘅季節，一於來一個綠茶士多啤梨瑞士卷😊。不過今次用咗沖綠茶奶嘅綠茶粉，mix咗蛋糕之後個味唔夠出，未完完全全止到癮。

心太軟x 朱古力moouse

由於今次用咗一個新食譜(據説是酒店大廚食譜），所以要記低佢。
呢D邪惡甜品，我通常係整好細份量，相中嘅心太軟實制上只是大過港幣五蚊少少。

咖哩角、豬肉鬆

上星期，本來承認咗車輋再要炸多D蝦片嘅，咁炸得我就當然唔止炸一樣嘢，所以計劃整咖哩角。星期四買好食材，預備好餡料打算星期五整，點知....嗰晚車輋開始咳😰😷....所以我話唔可以炸嘢，但係因為已經預備好個餡，所以我就先包好，再放入冰箱forzen。

祝大家雞年開心又健康🎉🎊

啱啱香港過咗十二點，各位新年快樂，身體健康， 笑口常開，越食越fit 😊🎊🎉車輋今日如常有游水堂，差唔多香港12點嘅時候，我哋啱啱泊咗車，特登唔行住，喺車度聽住香港收音機一齊倒數，兩個傻人好興奮，好開心有佢呢半個香港人陪我一齊傻。
為咗同香港同步團年(我哋同香港家人有一路食飯一路video chat), 我哋嘅團年飯喺lunch time 進行😊 我煮咗一朝，三個人，五餸一湯。去相再慢慢介紹。

今年年初一係星期六，終於我哋都有"新年假"放嘞😊😄！各位要開開心心，健健康康呀！

自製肉乾、年廿八洗邋遢

今日年廿八洗邋遢，我都認真清潔咗廚房desktop, 仲吸咗麈拖咗地。一路做一路諗，呢度又唔係香港，我做乜要辛苦自己呢，明明幾日前先拖過地(懶人如我，係一個星期先吸塵拖地的），做咗其實都無人知。每年 年廿八我都有咁嘅諗法，但係每年又好似有強迫症咁，呢日會好自動自覺做extra清潔😏所以我決定影張相，等有人知道我有係咁二洗邋遢😂😂😂。

賀年糕糕糕

星期日晏晝用左四個鐘頭一次過整晒蘿蔔糕年糕同馬蹄糕。同自己講一次過整晒佢唔好阻我weekday 出去跑步嘅時間😊。睇返上年寫嘅馬蹄糕食譜，先至發覺原來我上年都係一日之內整晒三款糕，其實我係咪有自虐傾向😆😆😆！